Fjölskyldu- og frístundanefnd

Mikill áhugi er hjá miðstiginu og félagsmiðstöðin 301 almennt mjög vel sótt. Nefndin telur mjög mikilvægt að efla og styðja við félagsstarfið á miðstiginu og felur frístundafulltrúa að yfirfara þann lið í fjárhagsáætlun svo opið hús verði þrjú skipti í mánuði hér eftir. Rétt er að geta þess að núna í haust hefur opið hús verið tvisvar í mánuði vegna starfsmannamála en það horfir til betri vegar.

Nefndin leggur til við sveitarstjórn að opið hús hjá félagsmiðstöðinni 301 verði framvegis í þrjú skipti í mánuði hjá miðstiginu og fjármagn verði tryggt skv. tillögu frístundafulltrúa.

Nefndin ræddi erindi UNICEF en afgreiðslu málsins var frestað á síðasta fundi. Ákveðið er að leggja til við sveitarstjórn að sótt verði um þátttöku í verkefninu árið 2023 og undirbúningur hefjist haustið 2022.

Nefndin vísar afgreiðslu málsins til sveitarstjórnar.

Nefndin samþykkir forvarnarfræðslu frá Barnaheill fyrir starfsmenn Skýjaborgar, upphæð 80.000 kr.

Nefndin samþykkir forvarnarstyrk að upphæð 200.000 kr. til félagsmiðstöðvarinnar 301 fyrir miðstig og elsta stig. Nefndin felur frístundafulltrúa og starfsmönnum 301 að sjá um framkvæmdina í samræmi við umræður á fundinum.

Nefndin skoðaði heimasíður þeirra sveitarfélaga sem innihalda áberandi flýtileið til að tilkynna til barnaverndar.

Nefndin leggur til við sveitarstjórn að þessar viðbætur verði settar á heimasíðuna í samráði við félagsmálastjóra.

Fært í trúnaðarbók.

Fært í trúnaðarbók.

Fært í trúnaðarbók.

Á sl. fundi sveitarstjórnar var ákveðið að boða til sameiginlegs fundar fræðslunefndar, sveitarstjórnar og fjölskyldu- og frístundanefndar vegna innleiðingar laga um samþætta þjónustu í þágu farsældar barna. Sveitarstjóri hefur boðað til fundarins þann 22. nóvember nk.

Félagsmálastjóri kynnti fyrir nefndinni inntak laganna.