Fjölskyldu- og frístundanefnd
Dagskrá
1.Erindi frá foreldrafélagi Heiðarskóla.
2010042
Foreldrafélag leik- og grunnskóla Hvalfjarðarsveitar sendir fyrirspurn, dags. 9/10/20, um fagaðila í skólanum. Spurt er hvort það væri starfandi þroskaþjálfi í sveitarfélaginu vegna þjónustu við fötluð börn. Skv. 26. gr. laga um þjónustu við fatlað fólk með langvarandi stuðningsþarfi ber sveitarfélaginu að hafa þroskaþjálfa í starfi. Fræðslunefnd vísar erindinu til fjölskyldu- og frístundanefndar.
Nefndin þakkar foreldrafélaginu fyrir erindið. Fyrir rúmum mánuði síðan tók sveitarfélagið við fyrrgreindum málaflokki og hefur verið í vinnslu innleiðing og verkefnagreining á málaflokknum sjálfum. Nefndin tekur undir bókun sveitarstjórnar á fundi nr. 318 að samnýting þroskaþjálfara fyrir sveitarfélagið og skólasamfélagið sé álitlegur kostur og unnið verði að greiningu á þeim þætti. Nefndin felur félagsmálastjóra og formanni að fylgja málinu eftir f.h. nefndarinnar.
2.Trúnaðarmál
2010017
Mál nr. 2010039.
Umsókn um félagslega liðveislu.
Umsókn um félagslega liðveislu.
Erindið og afgreiðsla þess færð í trúnaðarbók og undir mál númer 2010039.
3.Trúnaðarmál
2010017
Mál nr. 2010061.
Umsókn um fjárhagsaðstoð.
Umsókn um fjárhagsaðstoð.
Erindið og afgreiðsla þess færð í trúnaðarbók og undir mál númer 2010061.
4.Fjárhagsáætlun Fjölskyldu- og frístundanefndar
2010089
Kynning á fjárhagsáætlun fyrir árið 2021.
Félagsmálastjóri og frístunda- og menningarfulltrúi fóru yfir fjárhagsáætlunina fyrir árið 2021 með nefndinni. Engar athugasemdir voru gerðar varðandi fjárhagsáætlunina.
5.Barnaverndarnefnd Borgarfjarðar og Dala-beiðni um inngöngu.
2010057
Sveitarstjórn Hvalfjarðarsveitar hefur óskað eftir inngöngu í Barnaverndarnefnd Borgarfjarðar og Dala.
Byggðarráð Borgarbyggðar tók jákvætt í beiðnina og fól velferðarnefnd að vinna nánar að aðkomu Hvalfjarðarsveitar að Barnaverndarnefnd Borgarfjarðar og Dala og vísa til umsagnar í Barnaverndarnefnd.
Byggðarráð Borgarbyggðar tók jákvætt í beiðnina og fól velferðarnefnd að vinna nánar að aðkomu Hvalfjarðarsveitar að Barnaverndarnefnd Borgarfjarðar og Dala og vísa til umsagnar í Barnaverndarnefnd.
Nefndin styður heilshugar ósk sveitarstjórnar um inngöngu í Barnaverndarnefnd Borgarfjarðar og Dala.
6.Jafnréttisstefna Hvalfjarðarsveitar
2011001
Samkvæmt Jafnréttisstefnu Hvalfjarðarsveitar hefur nefndin m.a. það hlutverk að kanna árlega kynjahlutfall í nefndum, ráðum og stjórnum á vegum Hvalfjarðarsveitar. Við skipan í stjórnir, ráð og nefndir á vegum sveitarfélagsins skal hlutfall kynjanna vera sem jafnast og ekki undir 40% kynjahalli.
Kynjahlutföll nefndarmanna í stjórnum, ráðum og nefndum, bæði aðal- og varamanna, eru 50 karlar og 51 kona.
Kynjahlutföll nefndarmanna í stjórnum, ráðum og nefndum, bæði aðal- og varamanna, eru 50 karlar og 51 kona.
Nefndin gerir engar athugasemdir við stöðu mála.
Fundi slitið - kl. 17:30.